今年 情人節 ，來一點韓風小清新
GoGoVan Usage, 客戶
情人節 送99枝玫瑰花當然係好浪漫啦，但係拎住咁大束花都幾唔方便，不如今年試下送韓國大熱清新小花束啦。想哄女朋友開心，送花唔一定要又大又貴先代表有心思，迷你的一束小花令人感覺高貴又有氣質，送花除左哄另一半開心仲代表埋你個人品味同誠意，咁先係加分位。一齊嚟睇下韓國清新小花束係點啦….
顏色配搭柔和
圖片來源：leebomflower
韓國小花束主打小清新，好少會用到紅同橙等鮮艷顏色，一般會用上粉紅、白同藍做主題，加上有時用黑色花紙做點綴，配搭起上嚟既型格又優雅。
紮法比較隨意
圖片來源：leebomflower
小花束嘅紮法比較隨意，唔會似傳統花束咁一支支整齊排列。俾人一種比較自由奔放嘅感覺，又無咁拘束。而且細細紮容易拎，包保女朋友喺 情人節 唔會攞到發脾氣。
送花推介 － 獨特的滿天星
圖片來源：leebomflower
滿天星外形好似雪花咁，拎上手就好似捧住一堆星星咁，俾人感覺獨特仲好浪漫。而且好多花的保鮮期好短，相反滿天星枯乾之後依然能夠保持住美麗，仲會散發出一股獨特的香味。再加上滿天星嘅花語係真心喜歡，係韓國大熱清新小花束的代表，擔保女朋友見到流曬(口)水呀！
睇完咁多清新小花束之後，心動不如行動，仲唔快啲準備好一束送俾女朋友？叫埋GOGOVan較岩時間送去目的地，一個完美 情人節 就係開始！