名副其實！香港變形金 Van

少林足球話，一個足球員褲袋有士巴拿，係一件好正常嘅事，而一架貨車裝住萬千「神沙」或者Bunsen burner又幾咁出奇呢？
香港嘅貨車有好多令你意想不到嘅用途。例如，2014年，金管局就斥資約六百萬港元，將兩架十噸重貨車改裝成專門收集硬幣嘅「收銀車」，每架收銀車均設有兩部硬幣點算機，俾市民將最多十公斤「神沙」唱返紙幣或增值8達通。

甚至有銀行將貨車改裝成流動分行，將四面車身加厚，又加裝鋼板同防彈玻璃，車身另裝設獨立發電機來提供電力。流動分行提供嘅服務包括現金提存、支票轉帳、人民幣兌換等。

 

除此之外，上年希臘有間機構將一架2.2升柴油Benz Sprinter 客貨車改裝成流動實驗室，進行空氣質素相關嘅研究。唔好以為外國先有呢種創意改裝，香港都有團體將旅遊巴改裝成流動lab，而討論區亦不時有「師兄」詢問關於流動lab嘅改裝方法。