超實用！高層次 燒烤 攻略！

一年容易又中秋，講起中秋就立刻想BBQ！坊間有好多 燒烤 場地、如何燒隻靚雞翼等攻略。但今次只向你傳授一門學問，就係如何有效率地燒，食完再爭取每分每秒去玩！

 
要用盡每一分每一秒，我地首先要了解食物的三種等級 (初心者、中等級及打大佬)。

1.初心者

一般最容易掌握的，就是一個字 – 「腸」。不論廚師腸、紅腸、芝士腸……任何腸都會好快同你熟，並唔似得三文魚生咁高竇。除左腸之外，魷魚、乜丸墨丸同方包都是易熟又飽肚之選。如果你想快D去玩，一定要用最快時間去燒最多的腸或者丸，有人曾經試過一隻叉燒5條廚師腸(歡迎提供更多叉法)，用最少炭同時間去燒最多腸 = 合乎經濟效益。
Parajumpers Dame
Barbour Online Uk

2.中等級

中等級代表就係牛扒，牛一般都比其他肉類易熟，只要比少少耐性，雙面平均接觸火力就可以燒出一塊好扒。而且，當中夾雜濃厚肉汁，諗起都想講句Oishi~ 加上剛用蜜糖燒起之方包，夾住食，味道更上一層樓。其他中等級代表為豬大腸、多春魚等等。不過中等級之食物遠比初心者燒得耐，而且份量少，所以都唔太建議你燒太多。
 

3.打大佬

 
如果你以為打大佬係燒雞翼，咁就大錯特錯！錫紙包絕對係打大佬之首選，何解？因為錫紙包的多數都係蔬菜，一個不留神好容易被大火吸乾水份。而且看火時間耐，包嘅份量又唔多，好多時會被班朋友一掃而空，而你只可以輕輕拋下一句：「咁我等下轉…」而一等就是2046……完全無時間去玩！
 
了解完各種食物等級，相信精明的你都會懂得如何去揀。如果識再玩叻D，買完野食就一定係call GoGoVan去BBQ啦！