GOGO同你一齊做 龍友

成日係instagram見到靚風景相都心心眼？香港都有好多靚景，由小溪瀑布、海邊日落到高樓大廈、夜景咩都有，只要細心留意身邊的景物，要滿足你影相嘅三個願望，其實好簡單。這個年代一人一部智能手機，人生中一定有一張靚到自己都會崇拜自己嘅相！仲未有？等GOGO推介幾個好地方比你地做 龍友 啦！

1. 新娘潭

大埔新娘潭的鬼故出名，但係它的瀑布小溪就更加有名！每逢雨季都係影瀑布的好時機，有充足的雨水沿著溪澗不斷流，形成一個更加壯觀的瀑布，而旁邊的岩石都可以作為照片的點綴。除左瀑布，仲可以影埋照鏡潭同埋附近郊野公園的景色。但是去新娘潭拍照要注意安全，石面通常都非常滑，大家要著防滑嘅鞋去啊！
2. 下白泥

睇日落除左去飛鵝山之外，另一熱門地方就係下白泥！下白泥雖然位置比較遠，位於元朗西，要去到元朗再行一段路出泥灘，但是能夠捕捉的風景會讓你感到非常值得，而望向對面就會見到深圳灣。而且係泥灘上面會有彈塗魚同紅樹林，大家可以趁機捕捉大自然的美態。由於要行泥灘，所以建議大家出發時要穿著合適嘅衣物！
3. 大澳

有香港威尼斯之稱的大澳位於離島區東涌，由於大澳是一個小漁村，獨具香港早期的漁村特色，所以拍出來的照片別有一番風味，而且棚屋係香港買少見少，除左可以影棚屋景仲可以影埋海景！去影相時可以順便遊覽大澳，當作一天遊，會發掘到不同的地道小食和獨有的人情味。
4. 西環泳棚
近年愈來愈多人鍾意去西環，而附近都有好多新cafe同餐廳，可以去個邊chill chill。原來除左飲飲食食，係西環都有好多打卡影相地點，例如西環泳棚、貨物拆卸區同埋Instagram Pier，全部都各有特色，好多人都會影香港版「天空之鏡」，唔洗走到玻利維亞咁遠去影！而西環泳棚就可以影木橋、燈塔同埋海邊風景！
所謂「工欲善其事，必先利其器」，要影靚相當然要帶齊裝備，腳架、鏡頭、機身、外置閃光燈、濾鏡等等，數極都有！帶咁多野遠行嫌麻煩嘅就可以叫GoGoVan車你去啦，有成個車尾箱比你放裝備，仲安全送你去到目的地！
圖片及資料來源：網絡